OmegaT sarean

OmegaT-ren webguneak eta SourceForge-ko OmegaT proiektua

OmegaT-ren webguneak OmegaT-ren hainbat baliabidetarako estekak eskaintzen ditu. Hasteko leku egokia izan daiteke. Yahoo-ko OmegaT-ren erabiltzaile-taldeak erabiltzaileentzako laguntza ematen du. Mezuetan bilaketak egiteko ez da taldearen kide egin beharrik. OmegaT-ren bertsio berriak SourceForge.net-eko OmegaT proiektuan eskura daitezke. Bertan erroreak jakinarazi daitezke eta hobekuntzak eskatu daitezke.

Gogoan izan errore-jakinarazpen egokiek hiru gauza behar dituztela.

Honi buruzko informazio gehiago, Joel Spolsky-ren Painless Bug Tracking artikuluan.

Fitxategien kopiak, egunkariaren zatiak, pantaila-argazkiak... edozer gauza gehitu diezaiokezu errore-jakinarazpenari, horrela garatzaileek errorea errazago aurkitu eta konponduko dutela uste baduzu. Kontuan izan errore-jakinarazpenak eta hobekuntza-eskariak publikoak direla eta, beraz, ez zeniekeela informazio sentikorra duen fitxategirik erantsi beharko. Jakinarazpenarekin zer ari den gertatzen jakin nahi baduzu, SourceForge-ko erabiltzaile gisa erregistratu beharko zenuke, saioa hasi eta jakinarazpenaren gainean ageri den Monitor botoian klikatu.

OmegaT proiektuari lagundu

OmegaT-ri laguntzeko, lehenengo egin erabiltzaile-taldearen kide (webgunearen bidez edo posta elektroniko bat bidaliz OmegaT-subscribe@yahoogroups.com helbidera). Garatzaile-taldearekin bat egiteko, bidali mezu bat web bidez edo epostaz omegat-development-request@lists.sourceforge.net helbidera, goiburuan "subscribe" idatziz, OmegaT-ren garapenean parte hartu nahi baduzu.

OmegaT-ren erabiltzaile-interfazea, erabiltzailearen eskuliburua edo beste edozein dokumentu itzuli nahi izanez gero, lehenengo irakurri OmegaT-ren lokalizazioa eta pertsonalizazioa gida, eta gero egin OmegaT-ren itzultzaile-taldearen kide (webgunearen bidez edo posta elektroniko bat bidaliz omegat-development-request@lists.sourceforge.net helbidera, mezuaren izenburuan "subscribe" jarriz).

Eta hasi begiratzen OmegaT-ren munduan zer ari den gertatzen...


Legezko oharrak